LANDER GASTESIREN GOLEN REPOKERRA LOINATZEN

Gure lehen taldearekin joan aurretik, asteburuko izena azpimarratu behar dugu. Lander Gastesi aurrelari txuri-urdinak bost gol sartu zituen Jubenilen Nazional Mailako taldearekin, Indartsu taldearen aurkako garaipenean. Golen repokerra, Loinatz udal futbol zelaiaren historiaren oroimenean gordetzeko arratsalde batean.

3.RFEF IV. multzoa: Urduliz 0-2 Beasain (Julen Etxeberria, De la Parra)

Garaipen garrantzitsua Iparralden

Aurreko jardunaldian Portugaleteren aurka galdu ondoren, taldeak Bizkaia aldera bidaiatu zuen partida gogor batean Urdulizi aurre egiteko. Zelaiaren egoera txarrak, oso lehorra zegoen, partida baldintzatu zuen, jokoa sortzea zaila baitzen.

Taldeak, zeuzkan bajak kontuan izanik, partida serioa burutu zuen. 15. minutuan aukera argia izan zuen. Kontraeraso azkar batean, Borjak Enekoren pasea aprobetxatuz, ez zuen aurkariaren atezainarekin buruz burukoan asmatu.

28. minutuan, Urdulizen defentsak aldaratutako korner baten ostean, eskuin hegaletik jokaldia Mikelek eta bere erdiraketa Julen Etxeberria kapitainak buruz sareetara. Hortik atsedenaldira ezer ez gehiago eta aldageletara joan ginen abantailarekin.

Taldea oso ondo atera zen bigarren zatiaren hasieran eta 10. minutuan Enekoren beste aukera argi bat izan zen, aurkariaren atezainak golean bukatzea eragotzi zuena. Ordu laurdena bete zenetik aurrera Urdulizek gogor egin zuen aurrera eta jokaldi arriskutsuren bat sortu zuen. Baina 80. minutuan, partidaren azken txanpan, Ander de la Parraren golak erabaki egin zuen partida eta amaiera lasaiagoa izan genuen.
Bigarren postuan jarraitzeko hiru puntu garrantzitsu poltsikoratu ondoren bost puntuko aldearekin jarraitzen dugu Portugaletekiko.

Beste emaitzak

Ohorezko Erregional Maila:

Eibar B 4-0 Beasain

Jubenilen Nazional Liga:

Beasain 6-0 Indartsu (Gastesi -5-, Xabi)

Jubenilen Gorengoen Maila:

Beasain 3 – 1 Lazkao (Miteku -2-, Unax)

Kadeteen Ohorezko Maila:

Beasain 5–2 Billabona (Lier -2-, Sarri -2-, Ibai)

Kadeteen Gorengoen Maila:

Zestoa 2–4 Beasain (Garro -2-, Aimar Manzanao, Amets)

Infantil Handi:

Billabona 3–2 Beasain (Ekhi, Alex)

Infantil Txiki:

Beasain 1–0 Hernani (Adur S)

Infantil 1. Maila:

Beasain 2-5 Urola (Ion -2-)

Errendimendu Alebinak:

Beasain 0–4 Añorga