AZKEN AUKERA IGANDE HONETAN 12:00ETAN

Tudelanori irabazi beharra dago etxean oraingo postua ziurtatzeko eta hala bada, mailari eusteko promozioa jokatzeko

Josean Saiz

Unai Roperok bigarren zatian sartutako golak porrotera kondenatu gintuen Alaves B-ren aurkako lehian. Liderraren aurka Las Llanasen jasotako porrotaren ondoren, taldeak Gasteizera bidaiatu zuen urrea balio zuten puntuen bila, baina ez zen posible izan.

Sailkapenean zuzeneko aurkariei dagokienez, Break Alfaron lortutako garaipenak matematikoki mailari eusteko puntuak eman zieten. Logroñes B-ren eta Cirboneroren arteko berdinketak berriz, igandeko finalerako itxaropen tarte txiki bat ematen digu.

Hain zuzen ere lehia Loinazen izango da igandean eguerdiko 12:00etan. Tudelano talde indartsua hartuko dugu etxean, laugarren sailkatua baina oraindik 1 go RFEF mailara igotzeko sailkapena ziurtatuta ez duena.

38 punturekin, Cirbonerok baino bat gehiagorekin, garaipenak promozioa jokatzea ziurtatuko liguke. Horrela ez balitz Cirbonerok lortutako emaitzaren mende jartzen gaitu. Cirbonerok ordu berean jokatuko du, Getxoko Arenasen aurka. Arenasek bosgarren postua lortzeko aukera du oraindik, Zintronikon irabazten badu eta gainerako taldeen emaitzak alde baditu.

Igandean, beraz, final bat daukagu, eta hori irabaziz gero, bizirik jarraitzea eta promozioa jokatzea lortuko genuke.

Bete dezagun Loinatz eta eman diezaiegun babesa gure jokalariei, behar gaituzte eta merezi dute.