GARAIPENEN BOLADA GELDIARAZI DUEN BERDINKETA
3. RFEF Beasain 1 – 1 Urduliz (Julen Etxaniz)
Urduliz iritsi zen Loinatzera, sailkapenean erditik behera kokatuta dagoen taldea, baina bere jokoa ez zen egoera horren isla izan.
Talde gaztea, dinamikoa, oldarkorra presioan, eta futbola baduena. Lehen zatia orekatua izan zen. Atsedenaldira iritsi aurretik Beasainek aukera garbia izan zuen, baina atezainak eta langak bagoilarien gola eragotzi zuten.
Etxekoen zalantzaz betetako hasiera baten ondoren, atsedenaldiaren ostean kanpotarrak aurreratu ziren markagailuan, area barruan izandako jokaldi nahasi batean.
Hortik aurrera, Beasain jaun eta jabe izan zen, eta aukera ugari izan zituen, baina presaka ibili zen eta ez zuen asmatu. Halako batean gola iritsi zen, baina linierrak banderatxoa altxatu zuen jokoz kanpo ez zen jokaldia adieraziz. Azken txanpan, 90.ean Etxanizen gola iritsi zen Eizmendiren erdiraketaren ondotik.
Ohorezko Erregional Mailako taldearen garaipena etxetik kanpo
Deusto 1 – 4 Beasain (Eneko Ibañez, Cortes, Nazabal, Oihan)
Gure bigarren taldeak garaipen handia lortu zuen joan den ostiralean Zubietan, bere hamaikakoan kalitate dezenteko jokalari beteranoak dituen eta etxean azken bi partidak irabazi zituen aurkari baten aurrean.
Bagoilariak azkar aurreratu ziren markagailuan, baina donostiarrek berdinketa lortu zuten alboko falta baten ondotik. Baliogabetu behar zen jokaldia izan zen errematatzailea jokoz kanpo zegoelako baina ez zen hala izan eta bat eta bat joan ginen atsedenaldira.
Bigarren zatian gol goiztiar batek aurretik jarri gintuen markagailuan eta aurrerago hirugarrenak eta ondoren azken txanpan laugarrenak markagailua itxi zuen 1 eta 4koarekin. Hiru puntu hauekin, taldeak astebete lehenago Bergararen aurka Loinazen hasitako bolada onari jarraipena eman dio.
Beste emaitzak
Jubenilen Nazional Liga:
Alavés B 3 – 1 Beasain (Sanse)
Jubenilen Gorengoen Maila:
Beasain 0-1 Intxurre
Kadeteen Ohorezko Maila:
Beasain 1-1 Anaitasuna
Kadeteen Gorengoen Maila:
Lagun Onak 0-1 Beasain (Aimar Manzano)
Infantil Handi:
Beasain 3 –2 Billabona (Alex Lasa, Ander Auzmendi, Beñat Mujika) Clasificados para la siguiente fase.
Infantil Txiki:
Atsedena
Infantilen Lehen Maila:
Beasain 5 – 2 Idiazabal (Einar Bruno (2), Unax Galparsoro, Amin Sifri, Jon Padilla)
