PORROTA UNBEN
3. RFEF IV. multzoa: Vitoria 2-0 Beasain
Txapelketari geratzen zitzaion partidarik zailena zela uste zen eta baita izan ere. Unbera egindako bisitan, Eibarren bigarren taldea den Vitoriaren aurka, porrotean amaitu zen partida eta emaitza honen ondoren, txapeldun bihurtu da Vitoria 2. RFEFera igoera lortuz.
Hirugarren minutuan zelai erditik arriskurik ez zuen jaurtiketa bat Alexander Hidalgok aprobetxatu zuen ustekabean eta Gasteiz aurreratu zen markagailuan. Partidak erritmoa eta intentsitatea zuen, baina aukerarik ez. Atsedenaldiaren aurretik beste jokaldi batean Urko Colladok huts eta bikoa jarri zuen eta atsedenaldira iritsi ginen.
Bigarren zatian, taldeak aurrerapausoa eman zuen eta Vitoriak baloia eta zelai metro asko eman zizkigun, kontraerasoan irteteko aukera baten zain. Eta izan zuten, baina Martinek bertan behera utzi zuen ahalegina. Jokoaren kontrola erabatekoa izan zen bagoilarien aldetik. Hurbilketa asko izan genituen, baina aukera argiak falta izan ziren eta kuraia falta izan zen gola sartu eta partidan sartzeko. Ez zen lortu, eta dagoeneko ezaguna den bi eta hutsekoarekin amaitu zen neurketa.
Partida amaitu ondoren, Azpeitira begiratzeko unea izan zen emaitza ikusteko: Lagun Onak 2–2 Portugalete. Bagoilariek puntu bateko abantaila portugaletekoekiko liga amaitzeko lau partida falta direnean. Playoffetako txartela ia eskuan, bigarren postua lortzeak ere datorren denboraldian Errege Kopa jokatzeko aukera emango luke.
Beste emaitzak
Ohorezko Erregional Maila:
Beasain 2-1 Amaikak bat (Iratz, Iñigo Cortés)
Jubenilen Nazional Liga:
Beasain 1-1 Santutxu (Gastesi)
Jubenilen Gorengoen Maila:
Danena 1-4Beasain (Miteku, Aratz, Unax, David)
Kadeteen Ohorezko Maila:
Ilintxa 0-+5Beasain
Kadeteen Gorengoen Maila:
Beasain 4-2 Burumendi (Ander, Hodei, Amets, Paul)
Infantil Handi:
Beasain 2-0 Ordizia (Urtzi, Condrei)
Infantil txiki:
Bergara 1-4 Beasain (Fabian -2-, Inhar, Adur)
Infantil 1. Maila:
Idiazabal 3-1 Beasain (Einar)
Errendimenduko Alebinak:
Vasconia +5-2 Beasain (Gaizka-2-)
