BEASAIN-TOLOSA PARTIDUA KLUBARI LAGUNTZEKO EGUNA

Sarrera orokorrak 15 euro, bazkideak eta erretiratuak 10 euro eta bazkide erretiratuak 8 euro ordaindu beharko dituzte.
Larunbat honetan, arratsaldeko 17:00etan jokatuko da Loinaz futbol zelaian 3. mailako gipuzkoar taldeen arteko partidurik interesgarrienetakoa. Etxeko taldeak, Beasainek, Tolosa taldearen bisita jasoko du, gipuzkoarren arteko lehia beraz hirugarren mailako 14garren jardunaldia izango den honetan.

Hori horrela, eta partidu honek sortuko duten ikusmiña dela eta, Beasain Kirol Elkarteko zuzendaritzak klubari laguntzeko eguna izendatu du norgehiagoka hau. Sarrerak beraz, prezio hauetan egongo dira salgai:

-Orokorra 15 euro eta jubilatuek 10 euro
-Bazkideak 10 euro eta bazkide jubilatuak 8 euro

Norgehiagoka estua izango dela espero da. Denboraldiaren hastapenetan bagaude ere Beasainek eta Tolosak 15 puntu dauzkate. Talde beasaindarra hamargarren postuan aurkitzen da sailkapen-taulan, erdi-erdian beraz. Tolosarrak aldiz hamabosgarrenean. Gertutasunagatik gipuzkoarren arteko derbya bezala izendatu daiteke neurketa.
Zer esanik ez, zuzendaritza taldeak deialdi berezia luzatu nahi diela beasaindar guztiei larunbat honetan arratsaldeko 17:00etan Loinatz udal futbol zelaira etorri daitezen taldea animatzera.