BI PUNTUK IHES EGIN ZUTEN

Hirugarren taldea Lehen Erregional Mailako txapelketan berdinketarekin estreinatu zen Tolosaren aurka

3. RFEF IV. multzoa: Beasain 3-3 Eibar C (Eneko Lizaso, Olasagasti -2-)

Egutegiko laugarren jardunaldia eta Loinazera Eibarren hirugarren taldea iritsi zen. Aurrean gure lehen taldea, golak sartu eta irabazteko premiarekin. Golak sartu bai, baita hiru ere, baina ez zuen irabazi.

Lehen zatian abagune ugari izan ziren bi ateetan. Armaginak laster aurreratu ziren markagailuan, bigarren minutuan Manex Agirrek aurretik jarri zituen kanpotarrak.

Aukera asko galdu ondoren, 24. minutuan Eneko Lizasok partida berdindu zuen eta Olasagastik 37. minutuan korner baten irteeran bi eta batekoa jarri zuen eta horrela iritsi ginen atsedenaldira.

Olasagatik berak faltaz ateratako beste jokaldi batean, 55. minutuan, 3-1ekoa sartu zuen eta partida bideratuta zegoela zirudien, baina inork ezer ikusi ez zuen jokaldi batean, epaileak penaltia adierazi zuen eta Ekain Etxeberria kapitainak aldea murriztu zituen markagailuan 67. minutuan eta hiru eta bikoak urduritasuna ekarri zuen.

Eibartarrak oldartuta zeudela, bagoilariek hiru abagune argi izan zituzten, baina ez zuten asmatu eta 94. minutuan korner batean, Sarasketak bakarrik errematatu zuen bigarren zutoinean eta azken hiru eta hirukoa jarri zuen.

Jarraitzaile txuri-urdinek atsekabetuta utzi zuten zelaia, denboraldiko lehen garaipena lortzeko zorian egon zirelako eta bi puntuk ihes egin zutelako.

Lau partida jokatu ondoren, taldeak bi puntu besterik ez ditu.

Hirugarren taldearen estreinua

Azpimarratu behar da joan den larunbatean estreinatu zela txapelketan, gure hirugarren talde seniorra, Beasain C izenekoa, Lehen Erregionalean, eta binako berdinketa lortu zuela Loinazen, Tolosaren aurka. Senior adinean dauden hiru talde mugitzea, Hirugarren Mailan dugun lehen taldea, Ohorezko Erregional Mailan dagoen B taldea eta orain Lehen Erregionalean duen lehen denboraldian C taldea, ahalegin handia eta kontuan hartu beharrekoa da.

Beste emaitzak

Ohorezko Erregional Maila:

Añorga 3-1 Beasain (Seara)

Lehen Erregional Maila:

Beasain 2-2 Tolosa (Oihan, B.A.)

Jubenilen Euskal Liga:

Antiguoko 1-0 Beasain

Jubenilen Ohorezko Maila:

Beasain 0-4 Amaikak bat

Kadeteen Ohorezko Maila:

Lagun Onak 1-1 Beasain (Adur arizkuren)

Kadeteen Gorengoen Maila:

Beasain 4-2 Ilintxa (Unax Gómez, Unax Galparsoro, Martin -2-)

Infantil Handi:

Lazkao 3-0 Beasain

Infantil Txiki:

Beasain 5-2 Ilintxa (Unax, Gaizka, Mattin, Haitz, Oihan)

Infantil 1ª:

Lazkao 1-5 (+) Beasain