ERREGE KOPARAKO SAILKATUAK
3. RFEF IV. multzoa: Beasain 3-1 Leioa (Markel Pita -2-, Beñat)
Urrezko intsignia Ivan Claverri
Partidaren atarian, Kepa Lasa presidenteak klubaren urrezko intsignia jarri zion Ivan Claver kapitain bagoilariari, Beasainen eman dituen 10 denboraldiengatik. Beasainera iritsi zenetik egunero lagundu digun jokalari eta pertsona handia. Jokalari historikoa jarraitzaile bagoilarientzat. Ivanek hamar denboraldi hauetan taldekide izan dituen hainbat lagun izan zituen alboan.
Partida bisitarien nagusitasunarekin eta Martinen geldiketa bikainarekin hasi zen, baina hamargarren minututik aurrera egoera aldatu egin zen. Ximonen aukera bikoitz garbi-garbia lehenik, eta jarraian atezainaren aldaratzea ere aukera paregabea Pitarentzat izan ziren. Jarraian Claverrek zutoinera bidali zuen baloia eta ondoren etorri ziren Markel Pitaren bi golak; lehenengoa bikaina, bigarrena ikusgarria.
Atsedenaldira iritsi aurretik, Anartz Rementeriak jokaldi pertsonal bikaina egin zuen, eta aldea murriztu zuen markagailuan.
Bigarren zatian bisitarien nagusitasuna baina eraginkorrak izan gabe. Aukerak aldiz, Beasainenak izan ziren, nahiz eta kosta egin zitzaion partida ixtea. Beñatek jarri zuen errubrika, Pitak orpoz egindako pasearen ondoren, atezainari ixkin egin eta ate hutsik sartu zuen gola.
Jardunaldi baten faltan, garaipena hau lortuta, Beasainek datorren denboraldian Errege Kopan parte hartuko duela ziurtatu du. Baina bigarren postua erdiesteko puntu bat behar du Deustun liga erregularra amaitzen den partidan. Finean, partida ona, sentsazio onak eta garaipen ederra.
Jubenilen Gorengoen mailako taldea igo da
Arrakasta handia gure jubenilen bigarren taldearentzat. Azkoitian galdu arren, bi jardunaldiren faltan Beasain mailaz igo da, Ohorezko Mailara itzuliz.
Beste emaitzak
Ohorezko Erregional Maila:
Beasain 3-1 Beti Gazte (Mikel Esnaola, Nako -2-)
Jubenilen Nazional Liga:
Beasain 2–2 Barakaldo (Lizar, Iker)
Jubenilen Gorengoen Maila:
Anaitasuna 3–2 Beasain (Ekain Mujika, Unax Garmendia)
Kadeteen Ohorezko Maila:
Danena 3–1 Beasain (Berasa)
Kadeteen Gorengoen Maila:
Beasain 4-1 Aloña Mendi (Adur Arizkuren, Aimar Manzano, Amets Zubizarreta, Xanet Izagirre)
Infantil Handi:
Beasain 4-1 Urola (Martin -2-, Urtzi, Alex)
Infantil txiki:
Eibar 1-5 Beasain (Egoi Meruelo, Enetz Ipintza, Ekain Saenz de Buruaga, Markel Lizarralde, Ekhi Igeltz)
Infantil 1. Maila:
Euskalduna 2-3 Beasain (Ion, Adur Tximeno, Elias)
Alebin errendimendua:
Beasain 9-6 Bergara
