MEREZIGABEKO PORROT ITZELA PASAIAN
Larunbat arratsaldean Adrian gure bigarren taldeko kapitainak izandako lesio larriak atsekabetu gaitu. Igandean goizean goiz ebakuntza-gelatik igaro ondoren, sendabidean da eta bagoilarien familia osatzen dugunon aldetik azkar eta guztiz osatzea opa diogu
3. RFEF IV. multzoa: Pasaia 4-1 Beasain (Borja)
Bi garaipenen ondoren, behin bi ezkero hirugarrena ia seguru izaten omen da, baina ez, ez zen horrela gertatu larunbat arratsaldean Jesus Mari Zamoran jokatutako partidan.
Hasieran nagusitasuna bagoilariena izan zen, partida kontrolatua, baina 15. minutuan, zelai erditik ateratako falta batean, baloi loratua, erreboteak, zalaparta area barruan eta Julen Arotzarenaren gola. Beste partida bat maldan gora jarri zena garaiz. Baina ordu erdia pasata, 31. minutuan Pitaren jokaldi ona, erdiraketa eta Borjaren gola buruz berdinketarako.
Bazirudien horrela joango ginela atsedenaldira, baina ez. 45. minutuan Gorka Arsuagak opari bat aprobetxatu eta bi eta batekoa jarri zuen. Akats larria, aurkaria ezer egin gabe atsedenaldira margailuan aurretik doan beste partida bat, oraingoan bi eta bat.
Atsedenaldiaren ostean, lehen hamabost minutuetan Pasaia bere arean sartuta eduki ostean, sinestezina zen taldeak golik sartu ez izana eta sartu zuenean linierrak banderatxoa altxatu zuen bagoilariek gola ospatzen zutenean.
Taldea iraulita zegoen eta bi kontraerasotan Aritz Oyarbidek 89.ean eta Iñaki Zabaletak 90.ean markagailua itxi zuten.
Lau eta bat porrot gogorra da. Jokoan eta abaguneetan Beasain nagusi izan zen, baina futbola areatan ere jokatzen da, eta gurean eta haienean huts egin genuen.
Orain hurrengo bi partidak Loinazen (Padura eta Santurtzi). Aldi bakoitzean hirunaka batzeko garaia izango da.
Beste emaitzak
Ohorezko Erregional Maila:
Beasain B 2 – 0 Tolosa (Nabil -2-)
Lehen Erregional Maila:
Tolosa 1 – 0 Beasain C
Jubenilen Euskal Liga:
Beasain 4 – 2 Abetxuko (Xiker Mendia, Xabat Larrañaga, Unai Ramirez, Miteku Jaca)
Jubenilen Ohorezko Maila:
Amaikak Bat 1-2 Beasain (Alex -2-)
Kadeteen Ohorezko Maila:
Beasain 1-0 Lagun Onak (Paul San Sebastian)
Kadeteen Gorengoen Maila:
Intxurre 3 – 2 Beasain (Endika,Martín)
Infantil Handi:
Beasain 3 – 0 Danena (Eki M., Markel C. -2-)
Infantil Txiki:
Añorga +5 – 1 Beasain (Gaika)
Infantil 1º Maila:
Lagun Onak 4 – 4 Beasain (Ion -3-, Amin)
Errendimenduko alebina:
Beasain +5 – 2 Lazkao
Partehartze alebina:
Billabona 4 – 6 Beasain (Imram -2-, Lander -2- , Alain, Auxkin)
